ഒരു ആന്ധ്ര വിശേഷം

ഒരു ആന്ധ്ര വിശേഷം അഞ്ചാറു വര്‍ഷങ്ങള്‍ക്കു മുനം നടന്ന ഓര്‍ കഥയാണ്, എന്നിരുന്നാലും ഓര്‍ക്കുമ്പോള്‍ ഇപ്പോഴും ചിരി വരുന്ന ഒരു ചെറിയ സംഭവം. കഥാനായകന്‍ എപ്പോള്‍ വലിയ സത്യന്വേഷിയെല്ലാം ആണെങ്കില്‍ കൂടി, വര്‍ഷങ്ങള്‍ക്കു മുന്‍പ്‌ വായില്‍ കൊള്ളാത്ത വര്‍ത്തമാനവും പറഞ്ഞു നടന്നിരുന്ന, അവന്‍ പറയ്ന്നതിനു ചെവി കൊടുക്കാത്തവരെ നിഷ്ക്കരുണം ദുഷിപ്പിച്ചു തള്ളുന്നവനും ആയിരുന്നു. ആളിന്റെ പേര് അഷ്‌റഫ്‌, ഞങ്ങള്‍ അവനെ അഷര് എന്നുമാണ് വിളിച്ചിരുന്നത്. ആ പരിസരത്ത് തന്നെ താമസിച്ചിരുന്ന ബാബു എന്ന് പേരുള്ള ഒരാളുടെ കൂടെ ഇവന്‍ ഒരു തവണ ആന്ധ്ര പ്രദേശിലെ നെല്ലൂര്‍ എന്നാ സ്ഥലത്ത് പോയി, ചോയ്സ് കമ്പനിയില്‍ ജോലിക്ക് പോകുന്നു എന്നായിരുന്നു യാത്ര ഉദ്ദേശ്യം. അത് കൊണ്ട് ഞങ്ങള്‍ കൂട്ടുകാരെല്ലാം ചേര്‍ന്ന് ഒരു ഗംഭീര യാത്രയയപ്പും നടത്തി. പോയി പത്തോ പതിനഞ്ചോ ദിവസത്തില്‍ ആള് നാട്ടില്‍ തിരിച്ചെത്തി. ആന്ധ്ര വിശേഷങ്ങളുടെ ഒരു ഭാണ്ടവും കൂട്ടിനുണ്ടായിരുന്നു. ആന്ധ്ര തള്ളുകളുടെ കൂട്ടത്തില്‍ അവന്‍ പറഞ്ഞ ആ കാര്യം ആദ്യം ഞങ്ങളെല്ലാം വിശ്വസിച്ചിരുന്നു പോയി. ഇവനെ നെല്ലൂര്‍ കൂട്ടികൊണ്ട് പോയ ബാബു ആന്ധ്ര സംസ്ഥാനത്തെ മുഴുവന്‍ ആളുകള്‍ക്കും ചിരപരിചിതന്‍ ആണെന്നായിരുന്നു അവന്റെ വെളിപ്പെടുത്തല്‍, പിച്ച്ചക്കാര്‍ക്ക് വരെ ബാബു എന്നാല്‍ സ്വന്തം ചേട്ടനെ പോലെയാണെന്നും മറ്റുമുള്ള അവന്റെ വിടലില്‍ പാവം ഞങ്ങളെല്ലാം ഞെട്ടിത്തരിച്ചു. (ഈ ബാബു എന്നാ കഥാപാത്രം നാട്ടിലെ ഒരു കുപ്രസിദ്ധ തേങ്ങ മോഷ്ടാവും മറ്റു അല്ലറ ചില്ലറ തരികിട കേസും മറ്റുമുള്ള ഒരു കഥാപാത്രം ആയിരിന്നു) ബാബുവിന്റെ ഈ ആന്ധ്രാ കഥകളെല്ലാം ഫ്ലാഷ് ആയതോടെ ബാബുവിന്റെ ഇമേജ് വാനോളം ഉയര്‍ന്നു. ആന്ധ്രയില്‍ നിന്നും വന്നിറങ്ങിയ ബാബുവിന് ആകെ കൂടി ഒരു താര പരിവേഷം ആയിരുന്നു. നാട്ടുകാരുടെ സ്നേഹ പ്രകടനങ്ങളും എല്ലാം കൂടി ആകെ ഒരു ബഹളമയമായിരുന്നു. ഇതെല്ലാം കണ്ട്‌ ബാബു ആകെ വിരണ്ടു എന്ന് പറയുന്നതാവും അതിന്റെ ശരി. ദിവസങ്ങള്‍ക്കു ശേഷം ഏതോ ഒരു പാര്‍ട്ടിക്കിടയില്‍ ബാബു ഈ സംഭവങ്ങളെല്ലാം അറിഞ്ഞു. ബാബു ചിരിയെടാ ചിരി, ചിരിച്ചിട്ടും ചിരിച്ചിട്ടും നിര്‍ത്ത്തുന്നുംമില്ല, എന്താണ് കാര്യം എന്ന് വച്ചാല്‍, നമ്മള്‍ ചേട്ടാഎന്നും ഹിന്ദിക്കാര്‍ ഭായ് എന്നും വിളിക്കുന്നത്‌ പോലെയാണ് തെലുങ്കന്മാര്‍ ബാബു എന്ന് വിളിക്കുന്നത് എന്ന്. സെകന്റുകള്‍ക്കകം വാര്‍ത്ത‍ നാട്ടില്‍ പാട്ടായി. അതോടെ അഷര് വിന്റെ കാര്യം ആകെ തകര്‍ന്നു, ഒരു കണക്കിന് വേറേതോ ജോലി കിട്ടിയെന്നും പറഞ്ഞു അവിടെ നിന്നും വേറെ എങ്ങോട്റെക്കോ മാറി കളഞ്ഞു. അത്രയ്ക്ക് വലിയ ഒരു തമാശ അല്ല എന്നിരുന്നാല്‍ കൂടി, ആ സമയത്തെ ഒരു സ്ഥിതി വിശേഷം ഓര്‍ക്കുമ്പോള്‍ എന്നും വല്ലാതെ ചിരിച്ചു പോകും. ജലിന്‍