തലപ്പാവ് കെട്ടിയ സര്‍ദാരിനെ കാണുമ്പോള്‍ ആരുടെ മുഖത്തും വിരിയും ഒരു ഗൂഡസ്മിതം, അന്നോ തലേന്നോ വായിച്ച ആ സര്‍ദാര്‍ ഫലിതം ഓര്‍ത്ത്. ഞാനും സ്ഥിരമായി SMS ജോക്കുകള്‍ അയക്കുന്ന കൂട്ടത്തിലാണ്, അതില്‍ തന്നെ കൂടുതലും സര്‍ദാര്‍ ഫലിതങ്ങളും.അങ്ങിനെയിരിക്കെ,എന്റെ ഒരു SMS സുഹൃത്ത്‌ അവനുണ്ടായ ഒരു സര്‍ദാര്‍ജി അനുഭവം എനിക്കയച്ചു തന്നു. അതിന്റെ മലയാള പരിഭാഷ ചേര്‍ക്കുന്നു.
കുറെ നാളുകള്‍ക്കു മുന്‍പുള്ള ഒരു വെക്കേഷന്‍ ചിലവിട്നായി ഡല്‍ഹിയിലെത്തിയ ഞങ്ങള്‍ക്ക്, അവിടെ സ്ഥിര താമസമായിരുന്ന ഒരു ബന്ധു അവിടം കറങ്ങി കാണുന്നതിനായി ഒരു കാറും ഡ്രൈവറെയും ഏര്‍പ്പാട് ചെയ്തു തന്നു. ആണുങ്ങള്‍ മാത്രമുള്ള കമ്പനി ആയതിനാലും, ചോര തിളയ്ക്കുന്ന പ്രയമയതിനാലും എന്തും, ഏതും തമാശയായി കണ്ടിരുന്ന ഞങ്ങള്‍ക്ക് ഡ്രൈവറായി ഒരു സര്‍ദാര്‍. പറയാനുണ്ടോ പൊടി പൂരം. ആ യാത്രക്കിടയില്‍, ആവശ്യത്തിനും, അനാവശ്യത്തിനും എന്ന് വേണ്ട, അതൊരു സര്‍ദാര്‍ ജോക്ക് ആയി അവതരിപ്പിക്കുന്നതിലയിരുന്നു, എല്ലാവരുടെയും ശ്രദ്ധ. ഞങ്ങളുടെ ഡ്രൈവറായ സര്‍ദാരിനെ മാക്സിമം കളിയാക്കുക എന്നതു മാത്രമായിരുന്നു ഉദ്ദേശ്യവും.
ആ യാത്രയിലുടനീളം ഞങ്ങളുടെ ജോക്കുകള്‍ കേട്ട് ഒന്ന് മന്ദഹസിക്കുകയല്ലാതെ, "കമ" എന്നൊരക്ഷരം പറയാതിരുന്ന ആ ഡ്രൈവര്‍, യാത്ര പിരിയാന്‍ നേരം ഞങ്ങള്‍ക്കോരുരുതര്‍ക്കും ഓരോ രൂപയുടെ കോയിന്‍ തന്നിട്ട് പറഞ്ഞു, " നിങ്ങളുടെ സര്‍ദാര്‍ജി ഫലിതങ്ങളെല്ലാം ഞാന്‍ കേട്ടു, ആസ്വദിച്ചു. നിങ്ങോളുരു കാര്യം ചെയ്യണം, ഞാന്‍ തന്ന ഈ പൈസ, നിങ്ങള്‍ എവിടെ വച്ചെങ്കിലും ഒരു സര്‍ദാര്‍ ഭിക്ഷക്കാരനെ കണ്ടാല്‍ കൊടുക്കണം". ഞങ്ങള്‍ ചിരിച്ചു കൊണ്ട് തല കുലുക്കി സമ്മതിച്ചു.
പക്ഷെ, വര്‍ഷങ്ങളിത്ര കഴിഞ്ഞിട്ടും, ജോലിയോട് ബന്ധപ്പെട്ടു ഇന്ത്യയിലുടനീളം സഞ്ചരിച്ചിട്ടും, ആ പൈസ എന്നും എന്റെ പേര്‍സില്‍ തന്നെ ഇരിപ്പുണ്ട്.
അതാണ് സര്‍ദാര്മാര്‍.............
ഫലിതങ്ങലുണ്ടാക്കി നാം പരിഹസിക്കുന്ന ആ സര്‍ദാര്മാരില്‍ നിന്നും നാം പഠിക്കേണ്ട ഒരുപാട് കാര്യങ്ങളുണ്ട്,
അദ്ധ്വനമേ ജീവിതം എന്നതാണ് അവന്റെ ജീവിത മുദ്രാവാക്യം, ഓരോരുത്തരും അവനവനു കഴിയുന്ന വിധത്തിലുള്ള എന്തെങ്കിലും ജോലി ചെയ്തു മാത്രമേ ഒരു സര്‍ദാര്‍ ജീവിക്കു
